Proxecto musical liderado e creado pola cantante, pianista e percusionista Diana Tarin.
Cinco Sentidos é o nome do espectáculo que Diana presenta, onde a maxia das raices africanas, o folk galego o funky e o Latin Jazz dan vida a cada un dos temas que conforman especial concerto.
Fuzzo comeza a súa andaina no verán de 2015. A formación reúne a tres estrelas da escena do jazz galego: Virxilio da Silva na guitarra, Xan Campos nos teclados e Chus Pazos na batería. Defínense a si mesmos como unha banda de improvisación libre acumulativa, e fan dos seus concertos unha verdadeira experiencia de salvaxe éxtase creativa.
Logo de publicar un fermoso EP chamado ‘Fórmula’ o pasado ano, Peña volven agora con este, o seu primeiro traballo de estudo titulado ‘Carreiro’. Un debut sorprendente que supón toda unha revelación, xa non en termos de transcender o folkie, senón no que se refire a música contemporánea en galego.
Sheila Patricia é unha das novas voces de Galicia, cunha especial sensibilidade e unha potentepresenza do empoderamento na súa música.
Filla dunha galega e dun arxentino, percibimos nas súas composicións trazos do folclore de amboslugares. A contínua preocupación polo seu, pola súa terra reflíctese no seu discurso artístico, recuperando o sentimento do canto popular, herdanza da súa avoa, unha das máis fortes referencias femininas de Sheila.
Simbiose é unha fusión do que representa a esencia da nosa artista.
Romain Vuillemin: Voz e Guitarra
Ismael Cabaleiro: Violín
David Regueiro: Guitarra
Juyma Estévez: Contrabaixo
Un espectáculo individual de música electrónica e post disco retro coas influencias da música moderna interpretado con sintetizadores, caixas de ritmo, voz e keytar de cancións orixinais.
Os catro anos de idade o pontevedrés Gabriel Peso subíase ao Teatro Principal de Pontevedra xa en calidade de pianista. O seu sino estaba marcado. Posteriormente cursaría os estudios de Piano Clásico.
En 2011 licenciase na especialidade de Jazz no Conservatorio Superior de Música de A Coruña con matrícula de honor.
Dende entón demostrou non so ser un excelente pianista de Jazz, senon tamén un codiciado músico todoterreno: televisión, teatro, rock, pop...
Udra é un triángulo formado por Álvaro Trillo, Maritxinha e Diego Salgado, un trío que condensa o coidado da razón, a honestidade do corazón e a enerxía da víscera.
Udra é a terra mollada, a busca do orgánico, da orixe oculta baixo a lama.
A exploración do sintético e da herdanza estática, é a precisión mecánica, o tropezo accidental coas ideas que viven e vivirán.
É sensibilidade e forza, a brutal honestidade e a empatía permeable, a perfección asimétrica, a pureza dun gólem de emocións.
Suelen Estar & the Soul Machín lanzan sobre as cordas músicas que non adoitan estar alí. Nesta extrañeza dan nova vida a cancións de diversas procedencias e estilos que todas coñecemos pero non deste xeito.
Noar é o novo proxecto musical de Iago Marta (guitarra eléctrica) e Rubén Fernández (voz/electrónica), músicos galegos de considerable traxectoria e intereses eclécticos, formados na vangarda musical catalana. Un proxecto que ofrece un universo sonoro tecido dende diferentes galaxias estilísticas que permite recorrer roteiros que conducen a composicións expansivas donde a dirección do discurso musical toma camiños inesperados.
