Evento: ElectroHop!

Obradoiro sobre creación de música electrónica e hip-hop, para mergullarse na historia destes xéneros musicais e repasar a súa evolución desde o seu nacemento ata a actualidade. Investigando os recursos que ofrecen as novas tecnoloxías para a creación sonora e experimentando co ritmo, o son, o silencio, a intensidade, as palabras ou mesmo con obxectos ou ruídos da contorna como instrumentos para xerar música.

Empregando dispositivos electrónicos como tabletas, teléfonos móbiles e outros dispositivos inalámbricos para facer as composicións e as improvisacións do grupo.

• Este obradoiro está dirixido a maiores de 13 anos.
• Desenvólvese entre o 7 e o 10 de xullo en horario de 11:00 a 13:00 horas.
• Ofertanse 20 prazas para este obradoiro, previa inscripción desde o mércores 24 de xuño a través dos enderezos electrónicos cgac.educacion@xunta.es e cgac.pedagogia@xunta.es