Evento: Found footage

Con motivo da exposición Bañistas, ensaio visual de fotografía anónima atopada na que o comisario Xosé Manuel Buxán Bran recupera material fotográfico abandonado, o CGAC programa, no marco dos Talleres de Lecer, un taller de found footage dirixido por Javier Trigales.

Nun presente no que o fluxo de imaxes se converteu en bombardeo atroz, cando xa todo foi mostrado é un acto necesario de ecoloxía repensar e reutilizar as imaxes existentes, achegando luz ao magma informe legado polo cine e a televisión e creandonovos discursos e asociacións. Na actualidade, unha serie de nomes tanto nacionais como internacionais manteñen este subxénero máis vivo que nunca e convérteno nunha das ramas máis frutíferas e apaixonantes da videoarte e o cine experimental. Neste taller analizarase o pasado e o presente da reciclaxe de imaxes e os/as participantes construiran a súa propia peza de found footage.

O principal obxectivo deste taller é aprender a linguaxe audiovisual do found footage e do cine experimental e de creación. Ao longo de catro xornadas identificaranse as ferramentas que utilizan os directores e valorarase a importancia e a transcendencia das obras analizadas, trataremos de comprender mellor unha parte clave do cine experimental e a evolución que sufriu ao longo destes anos ao tempo que fomentamos a creatividade e as capacidades artísticas dos asistentes para que busquen unha voz propiadentro da linguaxe audiovisual.

Con este fin estudarase a evolución histórica e as diferentes técnicas de reapropiación da imaxe a través de exemplos audiovisuais: planos, secuencias e curtametraxes das figuras máis importantes do found footage. Ademais utilizaranse imaxes de arquivo para traballar de forma práctica nunha peza audiovisual propia.

PRAZAS ESGOTADAS

Folleto da actividade

Horario: de 11:00 a 13:00 h

PROGRAMA

Martes, 11 de xullo: Prehistoria da apropiación da imaxe
Os grandes nomes: Bruce Conner, Ken Jacobs, Chris Marker e outros. Entrega de imaxes de arquivo para traballar na aula.

Mércores, 12 de xullo: Do artefacto pop ao estruturalismo e o terror cósmico
Jeff Keen, Hollis Frampton, Peter Tscherkassky e outros. Traballo sobre as imaxes de arquivo para realizar unha peza audiovisual.

Xoves, 13 de xullo: Reapropiación e revolución. O found footage como relectura sociopolítica e arma revolucionaria
Harun Farocki, Barbara Hammer, Santiago Álvarez e outros. Traballo sobre as imaxes de arquivo para realizar unha peza audiovisual.

Venres, 14 de xullo: Pasado e presente da metraxe encontrada en España
Iván Zulueta, María Cañas, Xurxo Chirro e outros. Supervisión e finalización das pezas de found footage realizadas por cada unha das persoas asistentes ao curso.

Máis información: http://cgac.xunta.gal/GL/actividad-detalle/142/taller_found_footage