Aviso: Cultura aproba as táboas de avaliación documental de varias series documentais do patrimonio documental de Galicia
Cultura aproba as táboas de avaliación documental de varias series documentais do patrimonio documental de Galicia
O ditame do Consello de Avaliación Documental contempla series das deputacións e dos concellos
Foi publicada no Diario Oficial de Galicia a orde do 10 de xaneiro de 2018 pola que se aproban as táboas de avaliación documental de determinadas series documentais do patrimonio documental de Galicia.
A Lei 7/2014, do 26 de setembro, de arquivos e documentos de Galicia establece que os documentos de titularidade pública serán avaliados e seleccionados para determinar a súa conservación ou eliminación, de acordo co interese que presenten desde o punto de vista administrativo, xurídico, legal e histórico. A resolución crea un marco cunhas táboas de avaliación documental para que se poida saber que se debe gardar.