Evento: Sanny

Sanny é unha cantautora viguesa que acompañada pola súa guitarra e harmónica, percorreu xa escenarios de distintos puntos da xeografía nacional, así como Portugal, Inglaterra e Italia. As súas influencias veñen principalmente de artistas de folk e rock norteamericano como Bob Dylan, Joan Báez, ou Neil Young entre outrxs, de quenes aprende a importancia e responsabilidade de empregar a música como ferramenta social. Tamén teñen nela unha gran influencia compositoras indie contemporáneas como Phoebe Bridgers, Sharon van Etten ou Angie McMahon.

No 2019 publica o seu primeiro EP Loners Downtown, gravado nos Estudios Mans (A Coruña), con cinco temas nos que se explora o tema da soidade. Nesta colección de cancións evidénciase claramente a influencia do son americano, así como de artistas máis próximos ao indie como Elliot Smith ou Bright Eyes. Dende a súa publicación, Sanny, tivo a oprtunidade de presentar este traballo en distintos espazos, destacando os dous concertos no Auditorio Mar de Vigo como teloneira de Sidonie, dentro da programación do TerraCeo, e a súa participación no Espazo Fest (Pazo de Cea) como teloneira de Iván Ferreiro.

Nesta ocasión, acompáñase de Anxo Paz á percusión, quen xa participou activamente no proxecto dende a publicación do EP. Xuntos adaptan temas dese traballo a este novo formato e adiantan tamén algunhas composicións do que será o próximo traballo da formación.