Evento: Antonia San Juan "Mi Lucha"

Mi Lucha é o terceiro espectáculo unipersonal de Antonia San Juan, despois de Outras mulleres e As que faltaban, no que o público está involucrado dende o primeiro momento co personaxe identificando situacións ás que todos podemos afrontar nun momento ou outro da nosa vida: soidade, amor, enfermidade ou morte.

A capacidade interpretativa de Antonia San Juan é inigualable, converténdose nunha figura camaleónica que nos pode arrastrar dende a risa máis frouxa ata as profundidades da melancolía. A complicidade que atinxe aos que asisten aos seus espectáculos, fan que a actriz goce da admiración dun público fiel que segue a carreira do artista disfrutando de cada unha das súas obras, coa que cada vez máis, consegue cativarnos.

En Mi Lucha, entre outros, coñeceremos a propia irmá xemelga de Antonia San Juan, que nos contará os segredos máis inconfesables da actriz e da directora, porque non a apoia e ten unha envexa que a corroe.