Evento: Soul & roll

Soul & roll é un dueto acústico formado por Tamara Pérez e Miguel Araújo que comeza a súa andaina en Ourense no ano 2013. Nos seus concertos prima o bo rolo e a espontaneidade. É un grupo ideal para pasar un intre agradable mentres se goza da música en directo dunha forma orixinal acompañados das guitarras acústicas, o ukelele, a percusión ou o loop station.

A agrupación conta con algún tema propio ademais dos temas versionados. Nos anos 2013 e 2014 gañaron, con algún deles, o segundo e primeiro premio respectivamente, no festival da canción do Grove. Aínda que os temas mais solicitados nos directos son as cancións máis representativas do Pop, Soul, Blues ou Rock tanto nacional como internacional.
Actualmente, ademais de manter o concepto co que se orixinou o grupo, están inmersos nos preparativos do espectáculo e repertorio novo co que pretenden enxalzar a nosa cultura e lingua pero sempre da maneira desenfadada que lles caracteriza.