Aviso: Procedemento de inclusión do Pazo de Raña (Sarria) no Inventario xeral do patrimonio cultural de Galicia

Incóase o procedemento de inclusión no Inventario xeral do patrimonio cultural de Galicia, na sección de bens inmobles e coa categoría de ben inventariado, do Pazo de Raña, no lugar da Rañoá da parroquia de Vilar, no termo municipal de Sarria (Lugo) e ordéase a anotación preventiva do ben no Inventario xeral do patrimonio cultural de Galicia.

Ábrese un período de información pública durante o prazo de vinte días hábiles, contados a partir do día seguinte á publicación desta resolución no Diario Oficial de Galicia, para que calquera persoa física ou xurídica poida achegar as alegacións e informacións que considere oportunas.

O expediente poderá examinarse na Subdirección Xeral de Protección do Patrimonio Cultural (Dirección Xeral do Patrimonio Cultural, Edificio Administrativo San Caetano, bloque 3, 2º andar, de Santiago de Compostela).

Acórdase a aplicación provisional, ata a resolución do procedemento, do réxime de protección que establece o artigo 54 da Lei 8/1995, do 30 de outubro, do patrimonio cultural de Galicia, para os bens inventariados, polo que calquera intervención que lle afecte, sobre os seus elementos constitutivos ou no ámbito do contorno definido nesta resolución, requirirá a autorización previa da Dirección Xeral do Patrimonio Cultural.