Aviso: Convocatoria de bolsas de formación en materia de patrimonio moble galego
![](/sites/default/files/menu_icons_sxcultura/menu_icon_3309.png)
Convocatoria de bolsas de formación en materia de patrimonio moble galego
No Diario Oficial de Galicia do 23 de febreiro publícase a orde do 5 de febreiro de 2018 pola que se establecen as bases reguladoras e se convocan bolsas de formación en materia de patrimonio moble galego. O obxectivo destas bolsas é o de impulsar a formación do futuro persoal técnico en materia de museos e proporcionar unha formación teórico-práctica especializada. Os bolseiros realizarán a súa actividade en diversos museos propios e xestionados pola Consellería, tutelados, dirixidos e coordenados polos servizos técnicos da Dirección Xeral do Patrimonio Cultural.
Poderán optar ás bolsas licenciados (ou equivalentes) en Historia ou Antropoloxía, Historia da Arte e Arqueoloxía de diplomados (ou equivalente) en Conservación e Restauración de Bens Culturais. Os candidatos deben acreditar dominio da lingua galega, nivel iniciación, mediante certificación oficial ou certificado Celga 3.
O importe de cada bolsa será de cinco mil setecentos cincuenta euros (5.750 €).
O prazo de presentación das solicitudes será dun mes, contado a partir do día seguinte ao da publicación do extracto desta convocatoria no Diario Oficial de Galicia