Evento: Escándalo en Palacio

Bernard Mathieu (Xoán Carlos Mejuto), actual presidente do goberno, recibe unha comprometida noticia: un vídeo privado do primeiro encontro sexual coa súa actual esposa e primeira dama, Paola D? Angio (Iria Ares), sae á luz.

O vídeo data de 4 anos atrás, cando Bernard aínda estaba casado coa súa primeira muller. Bernard e Paola deberán decidir como afrontar esta situación.

É o final da carreira política de Bernard? O final do matrimonio? Que inimigos están detrás do escándalo? Pode a telebasura influír na política dun país?

O autor, Pedro Ruiz, lanza todos estes interrogantes co seu particular estilo acedo e incisivo.

Unha alta comedia que fará as delicias do espectador, pasando do surrealismo máis cómico á elegancia máis clásica.