Evento: 25 anos sen Torrente Ballester

O 27 de xaneiro fai 25 anos que nos deixou Gonzalo Torrente Ballester.

Natural de Serantes, no concello de Ferrol, foi escritor, guionista, xornalista, dramaturgo, crítico literario e tradutor. Entre outros recoñecementos recibiu o Premio Cervantes, o Premio Príncipe de Asturias das Letras e o Premio Nacional de Narrativa.

Gonzalo tivo moita relación con Santiago, cidade na que viviu, estudou e traballou, sendo recoñecido como Doutor honoris causa pola Universidade de Santiago de Compostela. 

Para conmemorar este aniversario a Biblioteca Ánxel Casal organiza unha mostra coas obras do autor que teñen na súa colección.

Pode visitarse no 2º andar da biblioteca durante o horario de apertura.