Evento: Ao son dun cantar

XII convocatoria do Concurso de Fotografía convocado polo Museo Liste de Vigo co gallo da celebración do Día Internacional dos Museos (18 de maio). O concurso pretende fomentar o coñecemento e a creatividade a través da práctica da fotografía co fin de destacar variados aspectos históricos, artísticos, etnográficos e antropolóxicos.

Temática: “Ao son dun cantar”: coa música como elemento clave, o lema propón captar un instante decisivo arredor desta arte e de todo o que a define ou complementa. O obxectivo será fotografar momentos e escenas que evidencien ou fagan intuír a súa presenza: instrumentos, músicos, bailes, xuntanzas e foliadas, e calquera outra expresión ou manifestación da música e os elementos a ela asociados.

Prazo de recepción das obras: dende o 1 de febreiro ata o 21 de abril de 2025.

Participantes e número de obras: maiores de 18 anos cun número máximo de tres fotografías presentadas por persoa, se ben nunca recaerán dous premios no mesmo participante.

Información: no teléfono 986 244 698 ou no enderezo didactica@museoliste.org 

Bases e mais información aquí: https://museoliste.org/blog/?page_id=404