Evento: Zan Hoffman

Zan Hoffman é un músico e artista estadounidense, unha desas persoas clave nos movementos de tape culture e Mail art dos anos oitenta. Comezou a súa incursión na música en 1984 creando o seu propio selo ZH27, activo ata o ano 2011 tendo publicado máis de 1000 álbumes, e creando unha extensa rede de intercambio e colaboradores ao longo do planeta. Neste tempo desenvolveu os seus principais proxectos, Zanstones, o máis experimental e bodycocktail. Nos últimos anos estase producindo un aumento de recoñecemento da súa figura como pioneiro no nacemento da rede de intercambios de música experimental dos oitenta, da que é un dos maiores coleccionistas con miles de cassetes e material gráfico que conserva nun dos máis importantes arquivos que existen sobre o movemento.

Espectáculo do programa Artellando para as festas do #Apóstolo2016