Evento: Día das Librarías

Sétima edición do Día das Librarías. Numerosos establecementos da comunidade abrirán as súas portas ata as 22 horas, aplicando descontos do 5%. Moitos organizan ademais diversos eventos, co gallo da celebración, tanto para os máis novos como para os adultos. 

A Coruña

18 h. Espazo Lector Nobel, A Coruña. Contacontos.

A libraría Espazo Lector Nobel A Coruña celebra o Día das Librarías coa actividade Contacontos con Magalia. Contacontos bilingüe en inglés e castelán e do libro A vaca que puxo un ovo.

19.30 h. Libraría NUMAX, Santiago de Compostela. Presentación de libro.

O venres 10 NUMAX celebra o Día das Librarías coa presentación da última obra do escritor e cineasta Ramón Lluis Bande, Cuaderno del Paisaje, que estará acompañado polo escritor e xornalista Iván Cuevas.

Cuaderno del Paisaje é un relato do contado nos tres filmes que o autor realizou sobre os guerrilleiros republicanos asturianos: Estratexa, Equí y N’otru tiempu e El nome de los árboles.

Lugo

10 h. Libraría Trama, Lugo. Viaxe ao centro da libraría.

Visita guiada para grupos de estudantes na que acompañarán a un libro na súa viaxe pola librería, desde que chega nun paquete ata que sae pola porta cara a casa dun lector. No percorrido irán vendo todas las tarefas que fan os libreiros.

A actividade vaise facer ao longo de toda a mañá en intervalos dunha hora.

19 h. Libraría Trama, Lugo. Presentación de libro.

Coincidindo co Día das librerías, o poeta lucense Luis Valle presentará a súa última obra, titulada Para que eu beba. Este libro de poemas foi editado pola editorial Barbantesa. No acto o autor estará acompañado polo filólogo Javier Gómez Vázquez.

Ourense

18 h. Libraría Punto e Coma, Ourense. Contacontos e actividade formativa.

Contacontos baseado no libro Xaime e as landras, da editorial Kalandraka, no que a contadora se acompañará de monicreques de pau creados especialmente para a ocasión.

Despois será a quenda da actividade Planta unha landra, coa que unha educadora medio ambiental ensinará aos asistentes a plantar correctamente unha landra, que despois poderán levar á casa con instrucións de coidados.

A actividade é de balde, ata completar capacidade.

Pontevedra

18h. Salón de Plenos do Concello de Moaña. Presentación de libro.

Ledicia Costas presenta a súa obra A señorita Bubble, acompañada por Andrés Meixide(Ilustrador do libro), Coral Ríos (Concelleira de Turismo) e Manuel Bragado (Director Xerais). Organizado pola Libraría Nobel O Pontillón, en colaboración co Concello de Moaña.