Premios Otero Pedrayo

Os Premios Otero Pedrayo están promovidos polo Goberno galego e as catro deputacións provinciais. O galardón instaurouse en 1977 e ten como obxectivo perpetuar e honrar a memoria de Otero Pedrayo, recoñecer o labor de contribución eminente á cultura e promover os valores propios de Galicia e as obras que leven ao esclarecemento e á mellora da súa cidadanía e institucións.

O premio escólleo un xurado integrado na actualidade polo presidente da Xunta de Galicia, os presidentes das catro deputacións, o presidente da Comisión de Cultura da Deputación que o convoca (de forma rotatoria), o conselleiro de Cultura da Xunta de Galicia, un representante de cada unha das tres universidades galegas, un representante da Real Academia Galega, outro do Instituto Padre Sarmiento, e por cinco persoas independentes designadas pola Xunta de Galicia e de cada unha das deputacións.