Nova: Román Rodríguez comparte co grupo de empresarios Vicus Gallaecia os retos de futuro da educación e a cultura de Galicia
![](/sites/default/files/menu_icons_sxcultura/menu_icon_763.png)
22/11/2023
Román Rodríguez comparte co grupo de empresarios Vicus Gallaecia os retos de futuro da educación e a cultura de Galicia
Vigo, 22 de novembro de 2023
O conselleiro de Cultura, Educación, FP e Universidades, Román Rodríguez, mantivo hoxe unha reunión de traballo co grupo de empresarios Vicus Gallaecia, creado no ano 2021 na cidade de Vigo, cos que reflexionou sobre a actual situación da educación e a cultura en Galicia e cos que compartiu os retos que haberá que afrontar no futuro no eido do ensino, a Formación Profesional, a universidade ou as industrias culturais.
O representante da Xunta de Galicia aproveitou a celebración deste encontro, ao que tamén asistiu o reitor da Universidade de Vigo, Manuel Reigosa, para agradecer a colaboración e implicación deste foro no desenvolvemento de proxectos que contribúan ao crecemento de Vigo e de Galicia.