Nova: O conselleiro de Cultura felicita á Academia Xacobea polo seu labor de difusión e investigación do Camiño, fundamental para planificar o seu futuro
![](/sites/default/files/menu_icons_sxcultura/menu_icon_763.png)
03/12/2023
O conselleiro de Cultura felicita á Academia Xacobea polo seu labor de difusión e investigación do Camiño, fundamental para planificar o seu futuro
Ribadeo (Lugo), 3 de decembro de 2023
O conselleiro de Cultura, Educación, FP e Universidades, Román Rodríguez, felicitou hoxe á Academia Xacobea polo seu labor de difusión do valores do Camiño de Santiago, “un traballo de investigación, divulgación e indagación rigorosa nas raíces deste fenómeno ao longo da historia que é fundamental para planificar o seu futuro”, destacou.
No transcurso da clausura das 18ª Xornadas Mar por medio, organizadas por esta entidade en Ribadeo para afondar nos diferentes ámbitos da Ruta Xacobea, o conselleiro sinalou que os Camiños de Santiago son un punto de convivencia e de fraternidade. “Ese é o espírito co que debemos enfrontar a celebración en 2027 do Ano Santo, implicando a toda a sociedade civil e a institucións como a Academia Xacobea, referente no estudo do Camiño, e dos concellos polos que atravesa cada un dos itinerarios”, salientou.