Nova: López Campos aborda co director da Fundación Catedral a colaboración en diversos proxectos

Santiago de Compostela, 5 de marzo de 2025

O conselleiro de Cultura, Lingua e Xuventude, José López Campos, mantivo hoxe unha reunión co director da Fundación Catedral, Daniel Lorenzo, para abordar asuntos da súa área, que teñen que ver coa actividade cultural vencellada á institución relixiosa e a posta en valor do seu patrimonio artístico.

Así, no encontro ambas as dúas partes trataron sobre as vías de colaboración en distintas intervencións encadradas no Plan Catedrais, así como en proxectos e propostas museísticas que se desenvolven ao redor desta basílica coa que a Xunta de Galicia mantén un firme compromiso neste sentido.