Nova: Medos Romero gaña o XIX Premio de Poesía Afundación, co que colabora a Xunta de Galicia

Santiago de Compostela, 14 de outubro de 2021.- A autora Medos Romero (As Pontes, 1959) fíxose esta tarde co XIX Premio de Poesía Afundación, promovido por Afundación, a Xunta de Galicia e o Centro PEN Galicia. O secretario xeral de Cultura, Anxo M. Lorenzo, felicitou ao gañadora que pasa a formar parte “dunha nómina de calidade da poesía galega contemporánea” e desexoulle “máis éxitos no futuro, porque isto sempre será unha boa nova para a literatura e a cultura galegas”. Tamén salientou o nivel literario deste certame ao conseguir reforzar a produción poética en galego nos últimos 20 anos.

A escritora Medos Romero, resultou gañadora coa obra O Sol era ela, escollida polo xurado entre as más de 40 propostas que se presentaron este ano e que dan mostra da gran calidade literaria das novas xeracións en Galicia e que, grazas a certames como o Premio de Poesía, contan cun impulso que alente a súa dedicación á palabra escrita. O Sol era ela concíbese como un poemario épico-lírico a través do cal a autora fai un percorrido vital na procura de si mesma.
Desde 2002

O premio de Poesía a Fundación, comezou o seu percorrido no ano 2002. Neste tempo resultaron gañadores os poetas galegos Xavier Seoane, María do Cebreiro, Román Raña, Arcadio López Casanova, Marilar Aleixandre, Carlos Penelas, Luís Valle, Emma Pedreira, Xavier Rodríguez Baixeras, X. Daniel Costas, Yolanda Castaño, Elías Portela, Miguel Anxo Fernán Vello, Olalla Cociña, Estíbaliz Espinosa, Gonzalo Hermo, Miguel Sande ou Orianda Méndez, gañadora da anterior convocatoria.

O galardón, que implica a publicación do libro na colección Arte de trobar e unha dotación económica de 6000 euros.