Cadernos de Fraseoloxía Galega 25

Cadernos de Fraseoloxía Galega estrea o novo número 25, un volume monográfico conxugado no seo do proxecto Metafras e centrado no estudo da metalinguaxe propia do campo da fraseoloxía. Os nove artigos compilados tratan sobre a terminoloxía fraseolóxica en romanés, chinés, kíkôngò, croata, galego, éuscaro e serbio, alén dun deles, na sección Varia, que se centra nas unidades fraseolóxicas da Fénix nas súas concepcións chinesa e española. O volume tamén inclúe dúas coleccións fraseolóxicas na epígrafe Recadádivas, unha no concello de Cariño e outra na obra de Manuel Leiras Pulpeiro, así como catro recensións de obras de ramas ben diversas da fraseoloxía (Recensións) e unha escolma das novidades bibliográficas neste campo de estudo (Novas).