Aviso: Formación de usuarios e animación á lectura na Biblioteca Pública de Pontevedra
Formación de usuarios e animación á lectura na Biblioteca Pública de Pontevedra
Aberto a todos os centros escolares de Pontevedra e a súa provincia
A Biblioteca Pública de Pontevedra iniciará a partir do 4 de novembro e ata o 25 de maio, o seu programa de Formación de usuarios e Animación á lectura, aberto a todos os centros escolares de Pontevedra e a súa provincia.
As visitas diríxense a nenos e nenas que cursan infantil e primaria. A súa duración será aproximadamente de 60 minutos, nos que se van a desenvolver actividades de animación adaptadas ás diferentes idades, coa finalidade de fomentar a lectura e dar a coñecer os servizos e fondos bibliográficos da Biblioteca. Realizaranse todos os mércores dúas sesións en horario de mañá de 10:00 a 11:00 e de 11:15 a 12:15 h, en grupos de 25 a 30 alumnos.
É necesaria a concertación previa de visitas, na que se deberá indicar: o curso ao que pertezen e a actividade que se escolle.
Abrése o prazo o día 1 de outubro na Biblioteca Pública en horario de 9 a 14 h. no tlf. 986850838 ou no enderezo electrónico:biblio.publica.pontevedra@xunta.es (neste caso deberán indicar persoa de contacto e un teléfono).