Aviso: Declaración como ben de interese cultural da colección de arte de ABANCA Corporación Bancaria, S.A.

A colección de arte de ABANCA Corporación Bancaria, S.A. está composta por un grupo de obras, especialmente pintura, pero tamén manifestacións doutras técnicas e materias, que son o resultado dun proceso intencional de provisión que se ben inicialmente estaba centrado nos artistas galegos, con posterioridade foi completando a colección con obras que, pola súa representatividade, simbolizan traxectorias e etapas da historia artística do país e mesmo do seu contexto internacional.

No seu conxunto, a colección amosa a evolución da arte galega, pero tamén o seu lugar no ámbito español e internacional, o que resulta de grande interese para a cultura galega e a súa definición.