Rede galega de teatros e auditorios

Montaxe escénica de danza dirixida aos máis pequenos e pequenas, inspirada en Joan Miró, xa que á compañía sempre lle fascinou a súa mirada limpa e transparente.

Argumento: Imaxina unha praia. A marea está baixa. A area está mollada e lisa. Non hai ningunha pegada. É coma unha lousa limpa. Tes un pau na man. Ou quizais non. Só tes os teus dedos. Agáchaste. Non sabes que debuxar. Non queres estropear a area,  aínda que se miras ao lonxe, podes ver que hai moita praia. Moita area sen pisar. Entón decídeste e pintas.

Un espectáculo cheo  de orixinalidade a partir de construcións imposibles de pompas de xabón en conxunción con ilusións máxicas: totalmente innovador.

Esta programación pode sufrir modificacións. Confirmar datas e horas nos lugares onde se representa: Salón de Actos do Concello de Cee

Inspíranse nos catro persoaxes do conto popular, pero a historia vai por outros derroteiros narrativos coa aparición doutros que fan que os nenos e nenas empecen a familiarizarse con determinados conceptos musicais. O Obxectivo primordial é criticar o abandono animal e concienciar que as mascotas da casa forman parte das nosas vidas, como un membro máis da familia. Os temas cantados en directo son un vínculo entre a historia e os pequenos e pequenas. Ademais, descubrirase a algunha futura estrela da canción nunha selección de cantantes nun momento da representación.

“As Fabulosas Viaxes de Wilson e Fabrice” é un espectáculo teatral para público familiar de 50 minutos de duración.

Os profesores Wilson e Fabrice son dous zoólogos que viaxaron por todo o mundo recollendo historias populares protagonizadas por animais. Mister Wilson é o encargado de contar as fábulas mentres Monsieur Fabrice ilustra os contos con debuxos feitos sobre area. Unha gran pantalla de vídeo no escenario permite ver ao público a evolución das ilustracións. Música e sons ambientais completan a posta en escena.

Nos tempos críticos, como os actuais, o alivio do humor é máis necesario ca nunca. Así era no século XIV, tempo de pestes e andazos, cando Boccaccio escribiu os tan célebres como divertidos contos do Decamerón. Así é hoxe, con esta adaptación para o teatro e a palabra. Unha actualización escénica para un tempo no que outras pestes e andazos nos ameazan. Un espectáculo a unha soa voz, como facían os xograis e bululús de entón e como fan os cómicos populares de agora. Unha voz actoral acompañada: música orixinal, deseño lumínico e sonoro, videocreación, escenografía...

Autor: Cándido Pazó

Dirección: Cristina Domínguez

Elenco: Susana Dans, Mónica Caamaño, Casilda Alfaro, Rocío González.

Antía é unha nena galega que vai merendar ao parque.

Wamba é un mozo do Congo que vende de todo no Top Manta para poder sobrevivir.

Unha carreira, un tropezo e un bocadillo van unir as súas vidas e van compartir o que nese momento levan enriba : Antía, a súa merenda, e Wamba, as súas historias.

A Tropa de Trapo volve cun novo espectáculo de narración oral e musical logo de centos de actuacións coas súas anteriores propostas.

Dirección: Luís Crespo 

Elenco:  Paulo Medal (Explorador), Martiña Villar (Porquiño Pequeno) , Susana Martínez (Porquiño Mediano), Andrés Viana (Porquiño Maior) e Mariña Río (Lobo Feroz)

O último espectáculo creado polo novo mago Daniel Polo. É o sono dun neno feito realidade.

Tras anos de aprendizaxe na Escola do Mago Rafa, un dos magos máis prestixiosos do Estado, o seu pequeno discípulo Daniel Polo acada o sono de compartir o escenario co seu mentor. Este espectáculo é un exemplo de compenetración e sincronización máxica entre os dous artistas. Unha fusión que as veces trasmite a ilusión de ser a mesma persoa.

Espectáculo itinerante con lume, confetis, pirotecnia e moitas gargalladas... que procura a implicación do público.