Dinamización: O LIBRO SAE Á RÚA
O LIBRO SAE Á RÚA
As Feiras do Libro regresan coas novidades editoriais e un completo programa de actividades
Acudimos ás bibliotecas e ás librarías na procura do libro suxerido ou da lectura ansiada, mais a partir desta semana son os libros os que saen ás rúas na nosa procura. Comezan as Feiras do Libro de Galicia 2015!
Baixo o lema ‘A historia en letras’, en alusión a Xosé Filgueira Valverde, homenaxeado este ano coas Letras Galegas, as 12 Feiras do Libro de Galicia 2015 percorrerán a xeografía galega desde abril ata agosto con eventos en Pontevedra, Ferrol, Santiago de Compostela, Lugo, Ourense, Vigo, Ribeira, Rianxo, A Coruña, Viveiro, Foz e Monforte de Lemos
Estas citas coa lectura e a cultura en xeral supoñen unha oportunidade única de achegamento entre lectores e autores, a través da presentación de novidades e da sinatura de libros. Ademais, ofrecen unha completa programación de actividades para todos os públicos que inclúe contacontos, recitais poéticos, actuacións musicais e obradoiros de ilustración, de maxia e de linguaxe de signos.
Na Axenda de cultura.gal podedes consultar cada unha destas citas para non perderdes ningunha!
-
Cartel coa lenda que está vinculada a Filgueira Valverde, Letras Galegas 2015
-
Sinatura de libros con Fina Casalderrey
-
Manuel Lourenzo tamén participa nestas feiras
-
Sonia Mirón súmase ao encontro cos lectores
