Patrimonio: O CAMIÑO FERVE DE CULTURA
O CAMIÑO FERVE DE CULTURA
Música, maxia, novo circo, danza e teatro animan de novo as rutas xacobeas
Volve Cultura no Camiño! O atractivo das rutas xacobeas -polo seu valor patrimonial, paisaxístico e espiritual- vese reforzado con máis de 300 actuacións de maxia, novo circo, danza e teatro, en 93 concellos de Galicia. A cultura e a festa tamén fan camiño!
As melodías atlánticas de Xoel López, as propostas escénicas de Talía Teatro, Malasombra, Teatro do Altántico ou Brinca Vai de Paco Nogueiras son algúns dos 138 grupos e artistas participantes, unha destacada escolma da actual produción escénica e musical galega, da que poderemos gozar a partir do 15 de abril, ata o 30 de setembro.
Para serdes partícipes deste xeito divertido de vivir o Camiño, non deixedes de consultar a Axenda de cultura.gal, onde atoparedes as 138 representacións de teatro e danza, as 80 actuacións musicais, as 55 de maxia e as 43 de novo circo desta programación.
-
Cultura no Camiño 2015
-
Xoel López
-
O principio de Arquímedes
-
O método Gronholm
-
Brinca vai!
