Equipamento: Arquivo central da Consellería de Cultura, Educación e O.U.

Sede
A súa sede sitúase nos baixos do Bloque 3 do edificio administrativo de San Caetano en Santiago de Compostela. O inmoble foi construído a primeiros do século XX para albergar edificios universitarios; pero mudou o seu uso para cuartel de artillería e máis tarde para instituto de ensino. Coa creación dos órganos de goberno autonómicos pasa a ser, no ano 1986, a sede central do Goberno galego e, en consecuencia, a de varias consellerías entre as que estaba a de Cultura.

Titularidade
A Xunta de Galicia ostenta a titularidade do arquivo en todos os seus aspectos (edificio, fondos e persoal).

O arquivo depende funcionalmente da Subdirección Xeral de Arquivos dentro da Secretaría Xeral de Cultura e, orgánicamente, da Subdirección Xeral de Xestión e Coordinación Cultural, dentro da Secretaría Xeral Técnica.

Servizos
Basicamente o arquivo presta os servizos de:

• orientación e formación do persoal administrativo nas tarefas de arquivo de documentación nas oficinas.
• buscas e préstamos cara ás unidades produtoras.
• buscas xerais para todas as unidades.
• atención a usuarios externos nas condicións que a lexislación determina (procedementos pechados a persoas con interese lexítimo e previa autorización da Secretaría Xeral Técnica).

Acceso as instalacións
Acceso libre, coas restricións legais oportunas.

Espazos
O arquivo conta con tres depósitos de documentación e un despacho de traballo.

Metros liñais: 714

Superficie total das instalacións: 400 m2