Evento: Sin dormir + Arena

Dúas pezas da serie Walker de Tsai Ming-liang:

- Sin dormir (2015). En 2015, o Festival Internacional de Cinema de Hong Kong propuxo a Tsai Ming-liang realizar a curtametraxe inaugural. Desta vez, escolleu a estación de Shibuya, en Toquio, como lugar principal de rodaxe e convidou o famoso actor xaponés Masanobu Ando a aparecer xunto a Lee Kang-sheng. Dormen por separado nun hotel cápsula e límpanse nun baño público. Os seus corpos fatigados anhelan durmir, pero as súas mentes inquietas impídenlles adormecer.

- Arena (2018). En 2018, a Administración da área Escénica Nacional do Nordés e a Costa de Yilan convidou a Tsai Ming-liang a realizar esta película, a oitava da serie do camiñante. No constante transcorrer do tempo, os pasos zen do camiñante permitíronnos ver por fin o océano Pacífico, o ceo aberto, as gaivotas, a area negra, un asentamento de captura de anguías levantado baixo a fría choiva invernal, as ramas retortas das árbores Lintou, restos de naufraxios amontoados cal montañas e unha casa de cemento recentemente construída, que parece ofrecer un lugar temporal de descanso para o camiñante.