Evento: O Entroido

O Entroido
luns, 24 febreiro, 2025 a sábado, 15 marzo, 2025
Biblioteca Pública de Santiago Ánxel Casal,
Santiago de Compostela

O Entroido

Mostra bibliográfica infantil

Moi amodo, o inverno remata e unha nova estación chega, polo que cómpre dar a benvida ao Entroido dende a biblioteca Ánxel Casal.

O Entroido galego fica as súas raíces nas Saturnalias gregas e as Lupercales romanas, festividades relixiosas caracterizadas por unha certa permisividade social e un espírito lúdico. Este carácter popular e irreverente deu máis tarde en sincretismo coa tradición cristiá, centrada na Coresma, e que está especialmente presente en rexións como a mesma Galicia. O Entroido marca a transición entre o recollemento do inverno e a abundancia da primavera polo que é unha época de xantar (o lacón, as filloas, as orellas...) e celebración (as máscaras, os disfraces...).

Como noutros anos, propoñémosvos unha mostra bibliográfica relacionada co Entroido, especialmente pensada para a cativada, pero apta tamén para toda a familia. Como di unha copla popular:

Vinde nenas!

Vinde nenos!

Non quero cara de penas

e de choros moito menos.

O Entroido imos festexar:

filloas e orellas

comeremos a fartar.

De disfraces non falemos

que eso non faltará.

Pode visitarse na Sala infantil durante o horario de apertura da biblioteca.

Máis eventos de tipo Exposición

XVIII Premio de Novela Casino de Santiago
2 de xullo a 30 de abril
Biblioteca Pública de Santiago Ánxel Casal
Ribadavia no seu patrimonio relixioso
23 de xullo a 20 de abril
Museo Etnolóxico de Ribadavia
Historias dun lugar
19 de setembro a 30 de marzo
San Domingos de Bonaval s/n