Evento: Peza do mes: Máscara funeraria do padre Feijóo

A presentación pública terá lugar o 9 de abril ás 20:00 h, na sala de exposicións "Escolma de escultura", con entrada libre.

Como cada mes, o Museo escolle algunha peza de entre os seus fondos para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

De longa tradición histórica, dende o século XVIII renace a demanda de máscaras

mortuorias de celebridades da cultura e política ben como obxecto de colección ben como veneración da persoa defunta. Autor famoso xa no seu tempo, esta máscara pertence a o Padre Feijoo, Benito Jerónimo Feijoo y Montenegro (Pazo de Casdemiro, O Pereiro de Aguiar, Ourense, 8 de outubro de 1676-Oviedo, 26 de setembro de 1764).

A publicación virtual sobre esta peza está dispoñible nesta ligazón do Museo Arqueolóxico de Ourense, onde se pode afondar sobre as súas características, cunha descrición máis pormenorizada, a reflexión sobre o seu uso e significado e a contextualización desta peza na súa época. Este estudio elaborado, nesta ocasión, por Avelino Rodríguez González.