Evento: Actuación do grupo Claxxon

Un novo grupo musical galego xorde en 2012 coa boa música como principal obxectivo. Rock, pop, música latina, baladas, música de baile, música a capella, unha infinidade de estilos con personalidade propia, nunha montaxe espectacular de iluminación e son.

A maior parte dos músicos dun coñecido grupo galego deciden iniciar un novo proxecto musical, para o que contan coa incorporación de tres novos artistas de indubidable talento. Guillermo Lamelas no baixo, Miguel Alakrán na batería e Pablo Morán na guitarra, a potente e inconfundible sección rítmica que fixo de América un grupo considerado nas últimas décadas fóra do común no ámbito das festas populares, únense agora a Jacobo González nos teclados, Dany Bea na voz, teclados, guitarra, percusión e saxo, e Roberto Lorenzo na voz, guitarra, teclados e saxo, tres novos músicos cunha sólida formación músical e gran experiencia en diferentes ámbitos.