Evento: Concerto da Banda Municipal de Música de Celanova

Trátase dunha das bandas máis antigas de Galicia. Ao longo da súa historia, a banda participou en numerosas actuacións no territorio galego, así como no resto de España, Portugal e Venezuela. A Banda Municipal de Celanova foi galardoada con numerosos premios destacando os acadados en certames musicais tan prestixiosos como os que se celebraban en Ribadavia, Lugo, Ourense e Oviedo, onde acadou premios respectivamente nos anos 1934, 1968, 1971 e 1976, hai que lle engadir brillantes actuacións en moitos lugares de España, así como excelentes intervencións nas diversas televisións do pais. Na actualidade ten gravados 5 traballos.