Evento: Día das escritoras 2018

O próximo 15 de outubro celébrase, por terceiro ano consecutivo, o Día das Escritoras. Un acto de homenaxe, promovido pola Biblioteca Nacional de España (BNE), a Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas (CyM), concibido para lembrar o legado cultural das escritoras do ámbito hispánico e hispanoamericano e as dificultades que no pasado impediron un xusto desenvolvemento e recoñecemento ao seu labor. A iniciativa naceu en 2016 con vocación de continuidade e celébrase o primeiro luns seguinte á festividade de Teresa de Jesús, que se conmemora o 15 de outubro.

Desde a Biblioteca Pública de Lugo presentamos 15 escritoras galegas, algunhas vencelladas a terra lucense, e tamén presentamos 15 obras nas que se nos narra historias onde as protagonistas son loitadoras e de gran fortaleza interior.