Evento: Festival da luz 2021

Un total de vinte e dous artistas dunha diversidade de estilos musicais daranse cita os próximos días 10, 11 e 12 de setembro en Boimorto, que acollerá unha nova edición do festival solidario impulsado por Luz Casal, natural do municipio coruñés.

Coque Malla, Nil Moliner e Estrela Morente figuran no cartel que este luns deu a coñecer a organización do evento, tras o que se doarán os fondos que se recaden coa venda de entradas a Cruz Vermella Galicia e á Fundación Andrea, unha institución con sede en Santiago de Compostela que axuda de maneira altruísta aos nenos hospitalizados e ás súas familias.