Evento: Semana Santa de Betanzos

Semana Santa de Betanzos
domingo, 13 abril, 2025 a sábado, 19 abril, 2025
Betanzos,
Betanzos

Semana Santa de Betanzos

Festa de Interés Turístico

A Semana Santa de Betanzos comeza o venres anterior ao Domingo de Ramos cunha misa na honra á Virxe das Dores. Desde este día ata o Martes Santo a música, especialmente no recoñecido Ciclo de Música Sacra, é a auténtica protagonista.  

O Domingo de Ramos pola tarde ten lugar a beizón dos Ramos e a procesión coa imaxe da Borriquiña, que é acompañada por numerosos betanceiros cos seus ramos e as súas palmas.

Na noite do Mércores Santo celébrase un sinxelo e emotivo viacrucis, polas rúas do centro histórico da cidade.

Nas seguintes procesións o canto e as bandas fanse presentes nas rúas empedradas do centro histórico.

O Xoves Santo, tras a celebración da Última Cea, co característico lavatorio de pés, ten lugar a procesión do Santo Encontro, na que se representa o encontro das diferentes imaxes da Paixón coa Virxe María.

A tarde do Venres Santo conmemórase a Morte de Xesús, a cal se escenifica na procesión do Santo Enterro. Xa pola noite, na procesión de dos Caladiños os betanceiros acompañan a Virxe na súa soidade.

Na tarde do Sábado Santo a procesión da Soidade, na que a imaxe de San Xoán acompaña a Virxe, representa a esperanza da resurrección, que se celebra de forma solemne pola noite na Vixilia Pascual.

 

Destacado:

O Ciclo de Música Sacra. 

Máis eventos de tipo Festa/Feira popular

Festa Encontro Degustación do Millo Corvo
4 de abril a 6 de abril
Bueu
Festa da Ostra de Arcade
4 de abril a 6 de abril
Varios espazos
Festas do Santísimo Cristo
5 de abril a 21 de abril
Varios espazos
Semana Santa de Cangas
11 de abril a 20 de abril
Cangas