Evento: Semana Santa de Lugo

Semana Santa de Lugo
venres, 4 abril, 2025 a domingo, 20 abril, 2025
Lugo,
Lugo

Semana Santa de Lugo

Festa de interese turístico

A súa orixe remóntase á Idade Media, coa Venerable Orde Terceira de San Francisco, establecida en Lugo no século XIII. Posteriormente, coa contrarreforma iniciada no s. XVI, xurdirán con maior intensidade as manifestacións públicas de piedade, que constituirán o xerme da tradición procesional da Semana Santa lucense.

A celebración da Semana Santa de Lugo está intimamente ligada ao privilexio da exposición permanente do Santo Sacramento no altar maior da Catedral. Así, desde o ano 1963, a procesión do Xoves Santo é a única en España en que a Sagrada Forma sae de procesión polas rúas da cidade. Do mesmo xeito, na mañá de Pascua prodúcese un encontro excepcional entre Cristo Resucitado e súa Nai. Este privilexio, unido a outros elementos propios, confírelle á Semana Santa lucense o seu carácter singular.

A Semana Santa de Lugo conta con diferentes actos de carácter relixioso, cultural e de ocio que lle confiren un atractivo especial á cidade durante a súa celebración. Entre eles destacan o pregón da Semana Santa, as procesións diarias polas rúas do centro histórico da cidade de Lugo (todos os días da Semana Santa; desde o vernes de Dores),o ciclo de conferencias coresmais...

Os actos que se desenvolven anualmente desde tempos inmemoriais conservan a tradición e a esencia inicial, mais tamén é de destacar a evolución da celebración nos últimos anos, incluíndo novas propostas na programación de actividades. Por outra parte, son cada vez máis as actividades que se organizan desde o Concello de Lugo como complemento á Semana Santa e que teñen unha maior compoñente de ocio (andainas, cinema, exposicións, etc.) 

Destacado:

A procesión da Santa Cea do Xoves Santo. Desde 1963 está vixente o privilexio único da Catedral de Lugo de facer a Reserva do Santísimo cunha procesión solemne da Sagrada Forma polas rúas da cidade.

Máis eventos de tipo Festa/Feira popular

Festa Encontro Degustación do Millo Corvo
4 de abril a 6 de abril
Bueu
Festa da Ostra de Arcade
4 de abril a 6 de abril
Varios espazos
Festas do Santísimo Cristo
5 de abril a 21 de abril
Varios espazos
Semana Santa de Cangas
11 de abril a 20 de abril
Cangas