Evento: Cantos, contos e pedraviva
Cantos, contos e pedraviva
Emilio Rúa e Xosé Carlos Caneiro presentan unha proposta dobre no FalaRedes 2022. A segunda parte dela é este espectáculo pensado para vencer os malos tempos, un traballo inusual dentro do mundo musical e cultural galego que inclúe textos de Xosé Carlos Caneiro, con fondo musical orixinal de Emilio Rúa, capaces de emocionar a quen os escoite.
Esta proposta presenta prosas, poemas e cancións que falan de amor, de resistencia fronte á incomunicación dos seres humanos (neste tempo no que semella que estamos máis comunicados ca nunca), de entusiasmos, do país e dos seus misterios, das paixóns, da melancolía, dos afectos, das risas, do humor. Tamén das virtudes magníficas de Galicia e dos galegos.
A carón deles, escoitaranse cancións creadas polo cantautor Emilio Rúa, dotado cunha voz propia orixinal e profundamente sentimental, tenra, sensitiva. Todas de raíz galega, pero tamén cosmopolita, e trenzadas magnificamente para converter cada concerto nun motivo de felicidade para os espectadores.
Máis eventos do ciclo FalaRedes
![](https://www.cultura.gal/sites/default/files/styles/eventos_new/public/images/evento/cantigaeverso-axenda600x400.png?itok=CNGROeFd)
![](https://www.cultura.gal/sites/default/files/styles/eventos_new/public/images/evento/cartel-obradoiros-cultura-urbana-xeral-recorte.jpg?itok=rQ92IDD-)
![](https://www.cultura.gal/sites/default/files/styles/eventos_new/public/images/evento/picadiscos_axenda.jpg?itok=ACeN4SZM)
![](https://www.cultura.gal/sites/default/files/styles/eventos_new/public/images/evento/picadiscos_axenda.jpg?itok=ACeN4SZM)