Evento: The Hole X

Este novo show celebra os dez anos do espectáculo «rescata a esencia do The Hole orixinal» e recupera «algúns dos números máis impresionantes e dos personaxes máis icónicos das tres edicións» como Vinila Von Bismark, Almon ou o Pony Tolo.

O espectáculo reúne sobre o escenario actuacións de artistas nacionais, como Canco Rodríguez que, ademais de suxestivas coreografías e números de acrobacias, inclúe toques circenses que nesta ocasión seguen a trama dunha gran historia de amor. O show terá unha duración aproximada de dúas horas.

Ademais, o espectáculo incorpora «textos e números novos para seguir facendo da saga The Hole o antídoto perfecto para os tempos difíciles, o spa mental que necesitamos para saír do buraco».