Nova: Román Rodríguez pon a mostra A nosa arte como exemplo do papel divulgador do patrimonio artístico que custodia o Parlamento de Galicia

O conselleiro de Cultura, Educación, FP e Universidades, Román Rodríguez, acompañado do delegado da Xunta en Lugo, Javier Arias, participou na inauguración da exposición A nosa arte. Colección do Parlamento de Galicia en Afundación de Lugo, unha mostra itinerante e adaptada a cada cidade co obxectivo de difundir a colección do Parlamento de Galicia.

Esta mostra enmárcase “na vontade de dotar de maior apertura ao Parlamento de Galicia e de divulgar o seu patrimonio artístico, ademais de constituír unha homenaxe a todos os que colaboraron a forxar o país que hoxe coñecemos desde as súas contribucións”, anotou Román Rodríguez sobre esta escolma que constitúe unha “máis que nutrida mostra de 40 anos de intensos movementos artísticos en Galicia”.