Nova: Lara Meneses mostra o seu interese polo proxecto musical do artista emerxente galego ‘G Face’

Santiago de Compostela, 3 de outubro de 2024

A directora xeral de Xuventude, Lara Meneses, recibiu hoxe ao artista galego coñecido como G Face, nun encontro no que se interesou por unha traxectoria musical en crecemento, sendo unha nova mostra, dixo, “do gran traballo que está a facer a nosa mocidade neste eido, destacando dentro e fóra de Galicia con propostas de gran calidade, situándonos en moi boa posición no panorama nacional”.

O seu tema Vaivén foi elixido por un concurso da Televisión de Galicia como a canción deste pasado verán. Ademais, aos seus 23 anos, Gabriel Fandiño, natural de Tomiño, xa experimentou con grandes concertos, xa que puido actuar en Sevilla ata máis de 50.000 persoas.