Nova: Belén do Campo traslada o apoio da Xunta á Fundación Groba para seguir preservando o legado do compositor galego Rogelio Groba

A Coruña, 31 de marzo de 2025

A delegada da Xunta, Belén do Campo, participou nun encontro de traballo coa representante da Fundación Groba,  Fernanda Flores Méndez. Na reunión estudiaron posibles novas liñas de colaboración entre a administración autonómica e a entidade.

A Fundación Groba, creada para preservar e dar a coñecer o legado do compositor galego Rogelio Groba, desempeña un papel esencial na promoción da música clásica e na formación de intérpretes galegos. A través de concertos, iniciativas pedagóxicas e proxectos culturais, esta institución mantén vivo o espírito da creación musical en Galicia, achegándoo a públicos de todas as idades.

A delegada lembrou que “desde a Xunta de Galicia apoiamos, todos os anos, os seus proxectos con case 30.000 euros, para garantir o seu funcionamento e para financiar o Festival Groba”. 

Neste senso, apuntou que o  Goberno galego seguirá colaborando con esta entidade para garantir que a música galega continúe a ocupar un lugar destacado no panorama cultural, apostando pola excelencia artística e a divulgación do noso legado musical.