Nova: Reunión coa nova directiva da asociación de actores e actrices de Galicia
25/06/2015
Reunión coa nova directiva da asociación de actores e actrices de Galicia
Na xuntanza presentáronse oficialmente Vicente Mohedano e Mabel Rivera como presidente e vicepresidenta da AAAG e tratáronse asuntos relativos ás políticas teatrais e audiovisuais
-
O secretario xeral de Cultura e o director da Agadic reúnense coa nova directiva da asociación de actores e actrices de Galicia -
O secretario xeral de Cultura e o director da Agadic reúnense coa nova directiva da asociación de actores e actrices de Galicia
Santiago, 25 de xuño de 2015.- O secretario xeral de Cultura da Consellería de Cultura, Educación e Ordenación Universitaria, Anxo Lorenzo, e o director da Agadic (Axencia Galega das Industrias Culturais), Jacobo Sutil, recibiron en Santiago de Compostela os representantes da nova xunta directiva da Asociación de Actores e Actrices de Galicia (AAAG), cos que mantiveron unha xuntanza sobre asuntos de política teatral e audiovisual relativos á profesión actoral.
A reunión, que se celebrou na sede da Agadic na Cidade da Cultura de Galicia, serviu, así mesmo, para a presentación formal de Vicente Mohedano e de Mabel Rivera, novos presidente e vicepresidenta, respectivamente, da AAAG.
Os dous profesionais encabezan desde o pasado 17 de xuño a renovada xunta directiva do colectivo que defende os intereses dos intérpretes galegos, órgano do que tamén entraron a formar parte Iria Sobrado, como secretaria, e os vogais Laura Míguez, Rebeca Montero, Ricardo de Barreiro, Guillermo Carbajo, Diego Freire e Federico Pérez.