Nova: Inaugúrase o auditorio de Torroso, en Mos
28/10/2017
Inaugúrase o auditorio de Torroso, en Mos
O conselleiro de Cultura, Educación e Ordenación Universitaria, Román Rodríguez, fixo especial referencia a este centro como “viveiro de novas vocacións musicais”
-
Román Rodríguez participa na inauguración do auditorio de Torroso, en Mos Escoitar
Mos (Pontevedra), 28 de outubro de 2017.- O conselleiro de Cultura, Educación e Ordenación Universitaria, Román Rodríguez, participou hoxe na inauguración do centro dotacional do Medio Rural de Torroso, en Mos, cuxas instalacións foron obxecto dunha ampliación. No acto tamén estiveron a alcaldesa da localidade, Nidia Arévalo; e o delegado territorial da Xunta en Vigo, Ignacio López-Chaves.
O conselleiro salientou que este centro multifuncional, é un dos sinais de identidade da comarca da Louriña, sobre todo no que atinxe á activa dinamización cultural que mantén grazas á implicación dos veciños de Torroso e a comunidade de Montes.
Román Rodríguez fixo especial referencia a este centro como “viveiro de novas vocacións musicais” xa que é sede da Escola Oficial de Música de Mos (con máis de 400 alumnos) e de diversos grupos musicais.
Ademais, as obras de ampliación levadas a cabo permitirán acoller actividades impartidas polo Conservatorio Profesional de Música, así como outras moitas relacionadas coa terceira idade, obradoiros, cursos de formación e talleres, entre outros.