Rede galega de teatros e auditorios

Esta é a historia da pequena CRISTINA, unha nena que ao nacer pensaron que era un neno. Si, un neno.

Ela nunca sentiu neno. Desde sempre sentiu nena e así llo fixo saber aos seus pais desde moi pequeniña.

CRIS, que así lle gusta que a chamen, é unha nena trans, risueña e intelixente, que loita polo seu dereito para ser a persoa que é e sente. Desexa ter un futuro repleto de liberdade e oportunidades, para poder crecer e desenvolverse, como calquera outra nena da súa idade.

Dedicado a todas as persoas transxénero do mundo.

Esta montaxe pretende recuperar e homenaxear a figura de María Casares, achegándoa ao público, á vez que se vale da súa figura para falar da propia condición dos artistas nun mundo en continuo cambio, analizando escenicamente as nosas contradicións como país e como sociedade.

Un dejà-vú do que aínda non sucedeu, un espazo temporal para mergullarse nas nosas intuicións sobre o futuro.

Constantes do porvir busca atravesar os desexos e intuicións da nosa sociedade en relación co tempo que está por chegar, busca estruturar un ensaio sobre o que descoñecemos pero que empezamos a albiscar, busca establecer pontes temporais co noso mañán, busca, en definitiva abrir unha xanela aos nosos anhelos e inquietudes en relación con ese tempo no que nos proxectamos como sociedade, como unha viaxe de aproximación aos nosos desexos afastados e probables.

Conexións Có(s)micas enlaza premisas que non se conectarían en ningún outro cerebro.... ata que chega Diana!
Gayoso e Madonna? Benetton e o Carnaval en Cabo de Cruz? A trascendencia e os chocapics?
Unha hora de humor absurdo onde non faltan referencias á vida cotiá, feito coa enerxía dunha muller brava nacida á beira do mar.

Chuches Amil presenta un espectáculo no que cada canción é un soño e cada soño é unha canción, do dereito ou do revés. Todos os membros da familia están convidados a disfrutar de diferentes xeitos de abordar o mundo dos soños e dos contos nun percorrido pola música máis actual feita en Galicia para gozar en familia

Un setlist cheo de éxitos dos albumes: Un conto ao revés (2015) e Monstros, con ou sen consentimento (2018).

La Celestina escríbese durante o reinado dos Reis Católicos, en pleno cambio de época histórica, cando a Idade Media dá paso ao Renacemento con todas as transformacións políticas, sociais e económicas que conleva. Con esta obra iníciase o Século de Ouro, de feito a Traxicomedia que contén un engadido notable ao texto da Comedia inicial. Publícase a comezos do século XVI. Trátase da segunda obra literaria en importancia escrita en lingua castelá, tras o Quixote, e por tanto o cume da nosa literatura dramática.

Premio Martin Codax da música 2018 a mellor grupo infantil.

A Gramola Gominola é un grupo de música rock para o público familiar, que presenta o novo libro/cd editado por galaxia, na súa colección Sonárbore a partir de abril 2017.

No novo disco o grupo sigue apostando polo rock e se posiciona como o grupo de rock en galego para público infantil e familiar.

Grandes temas que a partir de agora poderedes escoitar nas voces dos vosos fillos, como xa fixeran con a Fábrica de Carmela, Pita Récords, e moitos máis.

Un cartel pendurado no manubrio da habitación. “Por favor, arranxe o cuarto”. Ao regreso da praia, as camas feitas, as toallas limpas e o baño impoluto. Son As que limpan, as invisibles que carretan ao lombo un sistema turístico precarizador. As que limpan, fala da loita organizada das camareiras de piso dos hoteis por acadar uns dereitos laborais e sociais xustos. Fronte a elas, a avaricia voraz dos propietarios das cadeas hoteleiras. Hai quen nunca limpou un váter e hai quen limpa cincocentos ao mes.

Elenco: Areta Bolado, Noelia Castro e Ailén Kendelman

Este espectáculo acaba de saír da fábrica en pleno confinamento e quere darlle continuidade a O Pozo das Señoras. ASDOMARE son as mulleres do mar, ou o mar de mulleres. É a senda dos faros que alumean A Maruxaina, A pedra do cu da raíña, Os cantos das conserveiras... Todo o que o mar quita, todo o que o mar deixa.

Un espectáculo de narración oral e música a cargo da consolidada parella formada por Vero Rilo e Sonsoles Penadique.

Último verán en Santa Cristina, conta o acontecido a un rapaz de 12 anos que, no ano 1960, pasa o seu último verán nunha praia preto da cidade na que vive. Moitos anos despois, cando xa é un home adulto recibe unhas cartas supostamente propiedade da súa nai xa morta e, na lectura destas cartas, rememora o acontecido aquel verán. Como ademais é fillo de militar, o rapaz vive especialmente os acontecementos da sociedade franquista da época: os desfiles na praza da cidade que coinciden coa estancia de Franco no Pazo de Meirás, a poucos quilómetros de onde el veranea.