Evento: Made in Galiza
Made in Galiza
Como quen se deixa roubar o seu tesouro máis prezado, a actitude das galegas e dos galegos respecto á súa lingua non "resistiría" nengunha análise. E será que o galego é a lingua máis difícil do mundo? E será de deberemos constituír unha oficina de palabras perdidas? Palabras perdidas, roubadas... Fronte ao "es que no me sale", "es que no se me da" "MADE IN GALIZA" é un convite á República Indenpendente da túa língua. Non imos perdela nin en soños porque co galego imos "ao fin do mundo" e quen o proba o sabe!
A obra de Sende (Padrón, 1972) abre as portas ao humor reflexivo, á poética ao alcance de todo o mundo. Pensando nos nosos espectadores máis novos (a obra está presente como lectura obrigatoria nos centros de Ensino Medio de Galicia), Sarabela quere "comprometerse" con ese universo creado polo autor no que a verdadeira protagonista é a nosa lingua, secundando esta aguerrida proposta na necesaria defensa dese tesouro que é a lingua galega.
A obra escrita por Séchu Sende no ano 2007 foi elixida como Libro do Ano no 2017, e xira ao redor dun tema que ten tanto que ver con nós como sociedade, que está nos alicerces da nosa cultura. Foi Castelao quen dixo: "se aínda somos galegos é por obra e graza do idioma".
- Eve: Data e hora:Eve: Lugar:Teatro Lauro Olmo
Máis eventos do ciclo Rede galega de teatros e auditorios
![](https://www.cultura.gal/sites/default/files/styles/eventos_new/public/images/evento/gaudi_0.jpg?itok=y_0wIJwB)
![](https://www.cultura.gal/sites/default/files/styles/eventos_new/public/images/evento/viva_vivaldi_0.jpg?itok=58iOi8Pp)
![](https://www.cultura.gal/sites/default/files/styles/eventos_new/public/images/evento/a_cincenta_0.jpg?itok=vDpTpzxT)