Evento: Reto olímpico lector
Reto olímpico lector
luns, 15 xullo, 2024 a xoves, 15 agosto, 2024
Biblioteca Pública da Coruña Miguel González Garcés,
A Coruña Reto olímpico lector
Mostra bibliográfica
Únete ao noso reto olímpico lector.
Serás quen de completar 5 disciplinas olímpicas? Colle folgos, escolle as túas lecturas e adiante!
Na sala infantil e xuvenil atoparás unha mostra bibliográfica de diferentes disciplinas olímpicas:
- Triple salto de altura: triloxías ou sagas, con Ana Peleteiro a full!
- Esgrima: sabías que existen esculturas de esgrimistas do século XVI antes de Cristo? Sumérxete na historia coas lecturas desta disciplina.
- Taekwondo: a arte marcial con milleiros de seguidores en todo o mundo, igualiño que os manga.
- Levantamento de pesas: Lydia Valentín era quen de levantar 225 quilos, poderás cos libros tochos?
- Escalada: ser o máis veloz, escalar con precisión ou chegar ao máis alto, toda unha aventura, como as lecturas que vos propoñemos
- Ximnasia rítmica: cinta, aro, pelota ou mazas, para crear coreografías fantásticas. A fantasía é un dos xéneros máis demandados.
- Ciclismo en ruta: a bicicleta actualmente forma parte do noso día a día nas cidades. Estas historias reflexan a vida cotiá.
- Skateboarding: un dos últimos deportes en incorporarse aos xogos olímpicos, como os cómics a novena arte, a última en incorporarse á listaxe das belas artes.
- Medalla de ouro: o obxectivo de todos os deportistas, chegar ao máis alto do podium, ao igual os autores destas obras premiadas!
Achégate á sala infantil e xuvenil, escolle 1 libro de cada disciplina, completa a túa tarxeta con 5 disciplinas distintas e conseguirás o teu diploma olímpico.
Agardámoste!
Máis eventos de tipo Xornada/Congreso