Evento: Check out

Unha comedia visual inspirada no cinema mudo.

A vida de Eugenio transcorre no vestíbulo dun hotel, entre maletas soña con deixarlle aos seus fillos un futuro mellor. Un botóns diferente que, entre equívocos, xogos de clown e moita diversión, descobre ao longo dunha xornada imprevista de traballo que non hai mellor futuro que vivir gozando o presente. Unha historia que convida a reflexionar sobre a importancia da familia e ao que lle dedicamos o tempo.

Premio Fetén 2024 a mellor intérprete e Premio Oh! a mellor espectáculo para a infancia.

Adrián Conde Espectáculos

A compañía xa leva máis de 20 anos de traxectoria fusionando a maxia e o clown, conseguindo espectáculos cun selo propio.
En 2021 a compañía dá un xiro radical á súa esencia e pasa a crear novos espectáculos co principal obxectivo de deixar unha mensaxe de reflexión ao público, onde se tratan temas tan importantes como a xestión das emocións, a resiliencia, a perda e a familia.

Os seus espectáculos foron representados en máis de 25 países, ademais de ser galardoados en varias ocasións tanto a nivel nacional como internacional.