Evento: Arqueoloxía en Monodose

Nesta ocasión, dentro do ciclo "Arqueoloxía en monodose", que organiza o Museo, Víctor Rodríguez Muñiz será o relator a cargo de "Idade Media no Val do alto Támega: o exemplo do conxunto arqueolóxico da Ceada das Chás-Castelo de Lobarzán". Este conxunto arqueolóxico situado entre os concellos de Oímbra e Monterrei considérase un enclave fundamental para coñecer a historia medieval da comarca. 

O xacemento sitúase no Monte do Castelo, que constitúe unha divisoria natural entre a meseta e os vales do río Támega, entre as parroquias de Santa María das Chás (Oímbra) e San Salvador de Vilaza (Monterrei).

As conferencias terán lugar no Centro Cultural Marcos Valcárcel, rúa do Progreso, 30. Ourense