Evento: Videocontos en familia: O jorobado e as bruxas.

Carles García Domingo, de Zarándula SC, traeranos divertidos contos para escoitar junt@s en familia.

Nun pobo, en que vivía unha bruxa, habitaban tamén dous amolados que un día descubriron que a vella acudía aos aquelarres e a que se dedicaba.

-Non o ocultes, xa sei que es bruxa -díxolle un dos amolados, e se non queres que che denuncie, lévame contigo ao aquelarre.

A muller tratou de disimular, pero acabou admitindo o que era e deulle a súa palabra de que irían xuntos ao aquelarre. Soamente fíxolle unha advertencia:

-Pon atención ao que che digo. O noso superior faranos dicir os nomes dos días da semana a todos. Cando che toque a ti, dillos: luns, martes, mércores, xoves, venres, sábado, pero non se che ocorra dicir o domingo.

-Está ben -di o amolado.

Cando chegou a noite da reunión, a vella e o amolado acudiron ao aquelarre e en canto empeza, póñense a dicir os días da semana diante do superior. E ao chegar a quenda do home, di:

-Luns, martes, mércores, xoves, venres, sábado, domingo.

-Quen é ese que falou do domingo? -pregunta inmedia-tamente o superior.