Celebramos o Día da Poesía co contacontos “A poesía é un conto” da man de Miguel Ángel Alonso Diz. A través da poesía achegámonos a un mundo cheo de sensibilidade, tenrura e emoción no que o xogo é o alimento principal.
No salón de actos. Para nenas e nenos de 3 a 8 anos. A entrada é libre ata completar a capacidade da sala.
Simpático, divertido e interactivo recital poético destinado aos máis pequenos da casa.
Unha das escritoras máis coñecidas e recoñecidas polo público infantil e xuvenil traballará cos nenos na loita contra os medos máis habituais da infancia, onde son os poemas os que vencen temores.
Duración: 45 minutos.
Idade: de 4 anos en adiante.
Inscrición previa na biblioteca ou no teléfono 886 120 445.
Xogando con versos e rimas achegámonos dun xeito lúdico á poesía. Poemas para recitar, poemas para inventar, conversas que non paran de rimar… e rapaces e rapazas que non teñen outro xeito de falar, onde os xogos de palabras e a linguaxe son os protagonistas. A poesía, un dos mellores medios para fomentar o gusto pola lectura entre os pequenos e as pequenas.
Para nenas e nenos de 3 a 8 anos. As persoas interesadas poderán retirar a súa invitación no mostrador de Información da biblioteca dende 30 minutos antes do comezo da actividade.
Na semana do 15 ao 20 de marzo propoñemos ás nosas usuarias e usuarios participar no proceso de creación poética a través da elaboración dun poema colectivo a partir de versos dos poemarios da mostra do Día da Poesía, co obxectivo de espallar a mensaxe de que a poesía é un xénero para todas e todos.
Podes participar nesta actividade no 2º andar da biblioteca durante o horario de apertura.
Espectáculo no que a poeta galega combina o recital en directo con pezas de audio e proxección de videopoesía, incluíndo dúas producións recentes non presentadas ata o de agora en Galicia.
Conmemoración do Día da Poesía e do Día da Narración Oral.
É necesario apuntarse por teléfono, na propia biblioteca ou a través do formulario da páxina web.
Lugar: salón de actos
Servando Barreiro
A música das árbores é un espectáculo que conxuga a narración a música e a poesía para falarnos da posibilidade dun mundo onde os seus habitantes vivan en harmonía coa natureza e onde os problemas se amañen facendo falar os corazóns.
Co gallo da celebración do Día Mundial da poesía, dedicamos unha mostra ás poetas esquecidas da xeración do 27, coñecidas como Las Sinsombrero.
Nesta mostra recollemos algúns dos seus libros e poemas soltos.
Ademais, queremos convidarvos a conmemorar este día connosco achegándovos ao 2º andar da biblioteca o día 21 de 19 a 20 h para participar nun recital poético coa lectura dos vosos versos favoritos.
A mostra pode visitarse no 2º andar durante o horario de apertura da biblioteca.
Poderase escribir e mesmo debuxar poesía no taboleiro que colocaremos no vestíbulo.
Con motivo das celebracións do Día da Poesía e do Día do Teatro, o 21 e o 27 de marzo respectivamente, presentámosvos unha selección de libros como mostra destes dous xéneros literarios para o público infantil.
Pode visitarse na sala infantil durante o horario de apertura da biblioteca.
A actividade de María Canosa consiste na narración na voz dunha nena (a propia autora) que de pequena tiña medos, pero que aprendeu a escorrentalos a través da poesía. Cada un dos poemas trata un dos medos que normalmente afectan á infancia (escuridade, treboadas, pallasos, médicos...), ao final do cal se amosan as razóns polas que se debe eliminar ese pánico.
Sábado 18 de marzo ás 12 h.
Entrada libre para nenas e nenos + 3 anos
