Día da poesía

Acompáñanos a realizar estas actividades:

Acompáñanos neste día xunto a Yolanda Álvarez Castro, Marica Campo, Antón Cando, Beatriz Dourado e Brenda Mondelo.

Teremos a intervención especial da artista e bailarina Marta Cuba.

Actividade aberta a todo o público.

Celebrando o Día da Poesía con Sabela Gago.

Achegamos a musicalidade da poesía aos nenos e nenas nesta sesión de sábados ocupados.

Actividade para nenas e nenos de 6 a 12 anos. 

Inscricións dende o venres 14 de marzo ás 9.00h nos teléfonos 988 788385 / 386

Hoxe en día a poesía chega a nós dende diversas formas:libros en verso, narración poética e incluso mediante obras de teatro poético, algo que plasma moi ben a frase do título da mostra que pertence a Charles Baudelaire (1821-1987). Aínda así, a poesía conserva unha característica en todos os formatos e é, como ben di a Organización das Nacións Unidas para a Educación, a Ciencia e a Cultura (UNESCO), que “fala da nosa humanidade común e dos nosos valores compartidos, transformando o poema máis simple nun poderoso catalizador do diálogo e a paz”.

A Biblioteca Pública Ánxel Casal conmemora o Día Mundial da Poesía cunha selección en diferentes linguas. 
O sentir non ten parangón, físico ou lingüístico, e a achegarnos a isto foi o que nos levou á elección desta mostra “Amar entre linguas”. Buscamos con esta achega, expandir as fronteiras máis aló do que nós sentimos coa nosa fala, chegar a novos puntos de comprensión sen esquecernos de nós mesmos. Convidamos a todas e todos  a atoparse neste devir literario onde a creatividade e o sentimento guía ao ser.

O Día Mundial da Poesía é unha efeméride que se vén celebrando desde 1999, cando a Conferencia Xeral da UNESCO fixou o 21 de marzo, coincidindo co inicio da primavera, como o día elixido para conmemorar a arte poética e promover a lectura e escritura da poesía en tódalas súas manifestacións.

Dende a biblioteca Ánxel Casal queremos aproveitar esta oportunidade para render unha homenaxe ao poeta Antonio Machado (1875-1939), do que neste ano 2025 cúmprese o 150 aniversario do seu natalicio.

Celebramos o Día da Poesía co contacontos “Poemas encantados” da man de Servando Barreiro. Coplas tradicionais e poemas para brincar e cantar desde os primeiros anos utilizando a música e a poesía como medios para expresar as nosas emocións e sentimentos.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Celebramos o Día da Poesía co recital poético-musical Os nomes íntimos de Lucía Aldao e Samuel Merino. Os nomes íntimos son os nomes que nos salvaron, nos que celebramos atoparnos cando non atopabamos representación de quen eramos nos contidos que consumiamos (non había internet).

Recollemos nesta mostra unha escolma da obra de Bernardino Graña, un dos membros fundadores do grupo Brais Pinto, membro numerario da Real Academia desde 2010 e unha das voces máis recoñecidas polo público e a crítica das letras galegas contemporáneas. Sirva esta mostra como homenaxe polo seu pasamento.

Un día Lúa decide baixar á terra para observar que é o que alí sucede e, sobre todo, a que se debe tanto barullo. 

Neste contacontos, Pepablo Patinho propón unha morea de poemas cunha protagonista común: a lúa; e co obxectivo de que os nenos e nenas recapaciten sobre problemas da sociedade. Temas como as guerras, as fronteiras entre os pobos, o egocentrismo excesivo ou as diferenzas sociais están presentes nos versos de Lúa. 

Contacontos a cargo de Pepablo Patinho.

Salón de actos. 

Publico familiar a partir de 3 anos.